Join us on a journey exploring the natural wonders of Eastern Samar. VISIT EASTERN SAMAR is here to showcase travel spots just waiting for you to be discovered.

Apiton nga siday





ISLA APITON
(San Policarpo, Sinirangan Samar)
By: Franklin Robedizo



hin-o ba an diri matagusya?
ha imo maanyag nga basud
matin-aw nga mga lurang
nasirong han daw bukid nga kabatoan
gipaw han  isda ha tangkulan
mga poroton ha bakulod nagsasasarang,

mga dayo tugob hin kalipayan
pamati han huni han katamsihan
ha mga sanga han puno han talisay
mga  kulalapnit na kulimbiyaw
ha iya bunga na kinisamkisam
maalin nga  halo, ibid denhi kaurugan hin kikit-an,

pagkulyanap han kagab-ihon
mga bitoon daw bukatkat ha kalangitan
an hiyom han malamrag nga bulan
giya han mga paragkawil, paragpanlo
bitbit an sirilya ha linaw ngan ha tangpi ha tangkulan,



kanas kanas han balud
tikang han pusod han dagat pasipiko
waray hunong nga napusa ha mga kabatoan
mga bura nagpapatsarang
tigda hinihigop balik ha sidsid han kadagatan,,

An Isla Apiton yana kinikilala na
dinadayo, hinihingyap
tuminungnong man o bisita
ini nga natural manggad
aton sadang ikadasig ngan padayon nga tipigan ta.

SHARE if u like the story